Arsenali ka arritur të fitojë me rezultat 2-1 ndaj Liverpoolit në ndeshjen derbi të javës së 36-të në Ligën Premier.
Ekipi i Mikel Artetas ka arritur të fitojë me rikthim ndeshjen derbin ndaj ekipit të Jurgen Kloppit.
Golat në këtë ndeshje u shënuan nga Alexandre Lacazette (32’) dhe Reiss Nelson (44’) për vendasit, ndërsa Sadio Mane (20’) për Reds.
Lojtari më i vlerësuar i ndeshjes ishte sulmuesi francez, Lacazette, i cili pas një goli dhe një asistimi u notua me 8.4.
Në anën tjetër, nota më e ulët e takimit shkoi për portierin e Reds, Alisson Becker që u vlerësua me notë 4.8.
Në këtë ndeshje për 90 minuta luajti edhe Granit Xhaka te Arsenali duke pasur paraqitje të mirë me notë 7.7, ndërsa Xherdan Shaqiri u vlerësua me 6.2 për pak minuta sa luajti./Telegrafi/