Olympique Marseille nuk ka asnjë pikë pas dy ndeshjeve të Champions League. Nënkampionët francezë humbën dje nga Eintracht Frankfurt 0:1.
Nga 17 ndeshjet e fundit në Champions League ata kanë humbur 16 duele.
Klubi nga Marseille ishte mjaft me fat në short. Ata nuk kanë në grup skuadra shumë më të mëdha.
Tottenham, Eintracht dhe Sporting CP janë në grup me francezët.
Megjithatë, pas dy ndeshjesh, Marseille nuk ka asnjë pikë. Fillimisht, lojtarët e Igor Tudor humbën ndaj Tottenhamit (0:2), ndërsa dje u mundën nga Eintracht (0:1) në shtëpi.
Fatkeqësisht, për tifozët e Marseille, rezultate të tilla në Champions League nuk janë asgjë e re. Klubi i tyre ka humbur 16 nga 17 ndeshjet e fundit në këtë kompeticion!